Rengse berjamaah Isya teu tuluy mulang, goledag ngagoler deukeut panto
Masigit. Gorejag hudang, geuning leungeun geus ditalian. Ret ka gigir
lalaki baloboran getih, lebah tukang sora nu ngoceak, anu hareupeun teu
walakaya,seuneu ngabebela, bandera dibeuleum,gambar arit sapotong.
"Paehan..paehan.. !! sora na pikasieuneun, "geura lumpat ujang'' nu
baloboran getih ngaharewos, nguniang hudang, dipohpor ku bedil, kuring
ngorejat, Astaghfirulloh ngimpi. Praang..kaca panto masigit peupeus,
batu sagede peureup orok ninggang kana tarang,,hawar-hawar nu ngagorowok
Bakar..bakar..Kapiuhan. Bray beunta..lalaki baloboran getih
nyerengeh,,ngaharewos, saha nu teu boga Gusti?
No comments:
Post a Comment